నడికుడి – శ్రీకాళహస్తి రైల్వే లైను నిర్మాణంలో తొలిదశ పనులు పూర్తయ్యాయి. న్యూ పిడుగురాళ్ల – శావల్యాపురం మధ్య 47 కిలోమీటర్లు దూరానికి పనులు పూర్తి కావడంతో కార్యకలాపాలు నిర్వహించేందుకు రైల్వే శాఖ అనుమతులిచ్చింది.
ఈ మార్గం అందుబాటులోకి రావడంతో సికింద్రాబాద్‌, నల్లపాడు జంక్షన్ల నుండి న్యూ పిడుగురాళ్ల ద్వారా డోన్‌ వైపు నేరుగా రైళ్లు నడపడానికి వీలు కలుగుతుంది. నల్లపాడు మార్గంతో పోలిస్తే సికింద్రాబాద్‌ – డోన్‌ మధ్య నడికుడి ద్వారా 96 కిలోమీటర్ల దూరం తగ్గనుంది. కీలకమైన ఈ ప్రాజెక్టును ఐదు దశల్లో పూర్తి చేయాలని నిర్ణయించారు.
మొదటి దశలో పిడుగురాళ్ల – శ్యావల్యాపురం 47 కిలో మీటర్లు, రెండవ దశలో గండ్లకమ్మా- దర్శి 27 కిలో మీటర్లు, మూడవ దశలో దర్శిా -కనిగిరి 52 కిలో మీటర్లు, వెంకటగిరి – అల్టూరిపాడు 15 కిలో మీటర్లు,నాల్గవ దశలో కనిగిరి- పామూరు 35 కిలో మీటర్లు, అల్టూరిపాడు – వెంకటాపురం 43 కిలో మీటర్లు, ఐదో దశలో పామూరు – ఓబులాయపల్లి – వెంకటాపురం 90 కిలో మీటర్లు నూతన రైల్వే లైన్ వేసే విదంగా ప్రణాళికను సిద్ధం చేశారు.
దీనిలో మొదటి దశ పనులు పూర్తికావడంతో దక్షిణ మధ్య రైల్వే జనరల్‌ మేనేజరు గజాననమాల్యా గుంటూరు డివిజన్‌ అధికారులు, నిర్మాణసంస్థ అధికారులకు అభినందనలు తెలిపారు.
More Stories
జగన్ పై దాడి కేసులో నిందితునిగా బోండా ఉమా!
సచివాలయ ఉద్యోగుల సంఘం అధ్యక్షుడిపై ఈసీ వేటు
సీఎం జగన్‌ను హత్య చేసేందుకే దాడి