లాక్‌డౌన్ స‌మ‌యంలో స్వంత గ్రామాల‌కు వ‌చ్చిన వలస కూలీలు త‌మ స్వ‌స్థ‌లాల్లోనే ఉండాల‌ని నిర్ణ‌యించుకున్న‌ట్లు బీహార్ ముఖ్యమంత్రి నితీశ్ కుమార్ తెలిపారు. అయితే అలాంటి కూలీలకు ఈ ప‌థ‌కం ఎంతో ఉప‌క‌రిస్తుంద‌ని ఆయ‌న చెప్పారు. వలస కార్మికుల సంక్షేమం కోసం గ‌రీబ్ కల్యాణ్ రోజ్‌గార్ ప‌థ‌కాన్ని ప్రారంభించిన ప్రధాని మోదీని నితీశ్ మెచ్చుకున్నారు.
125 రోజుల ప‌నిదినాల్లో 25 రకాల ప‌బ్లిక్ వ‌ర్క్స్‌ను చేప‌ట్ట‌నున్న‌ట్లు కేంద్ర మంత్రి నరేంద్ర సింగ్‌ తోమ‌ర్ తెలిపారు. కోవిడ్‌19 వ‌ల్ల స్వంత ప్ర‌దేశాల‌కు తిరిగి వ‌చ్చిన వలస కూలీలకు ఈ ప‌థ‌కం కింద అవ‌కాశం క‌ల్పించ‌నున్న‌ట్లు చెప్పారు. 20 ల‌క్ష‌ల కోట్ల ఆత్మ నిర్భ‌ర్ భార‌త్ ప్యాకేజీ ప్రధాని ప్ర‌క‌టించార‌ని, ఆ ప్యాకేజీతో ఆర్థిక అభివృద్ధి మాత్ర‌మే కాకుండా, వ్య‌వ‌సాయం, గ్రామాల్లో ఉద్యోగ ఉపాధి అవ‌కాశాలు క‌ల్పించ‌నున్న‌ట్లు తోమ‌ర్ వివరించారు.
వివిధ రాష్ట్రాల్లో వలస కూలీలుగా ప‌నిచేసి.. తిరిగి స్వంత రాష్ట్రానికి చేరుకున్న కొంత మంది కూలీలు ప్రధాని మోదీతో వీడియోకాన్ఫ‌రెన్స్‌లో త‌మ అనుభ‌వాల‌ను పంచుకున్నారు. ఈ సందర్భంగా సరిహద్దులో అమరులైన జవాన్లకు నివాళులర్పించారు. వారంతా బీహార్ రెజిమెంట్‌కు చెందిన వారే ప్రధాని అని గుర్తు చేశారు.
More Stories
‘టైమ్‌ 100’ జాబితాలో అజయ్ బంగా, ఆలియాభట్‌, సత్య నాదెళ్ల
అతి త్వరలో మావోయిస్టుల అంతం
బాలరాముడికి సూర్యతిలకం